Першага красавiка ў дзяржаўнай установе «Цэнтр карэкцыйна-развiваючага навучання i рэабiлiтацыi горада Бабруйска» прайшло свята «Гуканне вясны». Дзецi i дарослыя гукалi Вясну, каб яна ў дарозе не бавiлася, а спяшалася да нас. Выхаванцы цэнтра добра падрыхтавалiся да сустрэчы Вясны: упрыгожылi музычную залу дрэўцамi i кветкамi; пад кiраўнiцтвам выхавальнiкаў нарабiлi птушак з паперы, саломы, глiны; разам з матулямi напяклi жаўрукоў з цеста. З добрым настроем дзецi пад беларускую народную музыку танчылi, «ляталi пад брамку», пляскалi у далонi. Вядучая-Спадарыня (выхавальнiк Храпко Т.К.) i Вясна (педагог сацыяльны Давыдзенка А.А.) правялi шэраг вясёлых беларускiх народных гульняу з вучнямi i маленькiмi выхаванцамi цэнтра: «Займi гняздо», «Бусел», «Гусi». Усiм спадабалася песня ў выкананнi вучня 6 класса Кныша Кiрыла. Верш пра спатканне Вясны выдатна прачытаў вучань 2 класса Чэрапуха Iван . Выхаванкi дашкольнай групы Харлап Лiза i Караткевiч Ксенiя шчыра частавалi гасцей свята печывам-жаўрукамi. Потым усе дзеткi разам з дарослымi ўпрыгожылi галiнкi дрэў на вулiцы каля пляцовак цэнтра, спяваючы песню «Жавароначкi, прыляцiце».
|